Home Cultural View History Promotion Tribal Christianity Literature News Download Tutorial Members Area Touch It

 

   

देवनागरी लिपि नूँ

 

तोलोङ सिकि फॉन्ट डाउनलोड नंना

 

ओण्टा टोड़ंग किय्या ओण्टा एःड़ा रहचा। अदी गही एंड़ गोटंग ख़द्द रहचा। आद ख़द्द गे मण्डी बेद्दा परता तरा काला ओन्दोरआ लगिया।

      उन्दुल एःड़ा बाचा, इन्ना एन डहूड़ा ओन्दोर परता मझी तरा का लगेन। एका गूटी एन मल किर्रोन आ गूटी नीम एड़पा नू रअके। एन्ने आनर आद एड़पा ती उरूखया केरा। सन्नी खद्द अकय लङ चनिया रहचा। आद तंग्यो गनेम एड़पा ती उरिखया दरा परता पइंड़ी तरा चइल केरा। पइंड़ी गूसन ओण्टा हुण्डरा अम्म ओना लगिया। एःड़ा ख़द्दन एःरार हुण्डरा अकय खुशमारा। आद बाचा, बड़ेत ले ख़क्खरकय बबु। एन हूँ अकय उल्ला ती कीड़ा सार लगदन। एःड़ा ख़द्द अक्खा केरा का आद अक्कू असते पोल्लो गुच्छुर अंवगे एन्देरइम उर्जिस नंना चाही।

       एःड़ा ख़द्द बाचा, "अना ममू, इंग्यो तिंक्की रई का नीन अकय दव डण्डी पाड़दय। से नीन ओंगहोन मोख़ना ती मूँद ओण्टे डण्डी पाड़ा।" हुण्डरा बाचा, "मला गा, एन एखो पाड़ोन एंग्हय गा रागे हूँ दव मल्ला।"

        ख़ने एःड़ा ख़द्द बाचा, "अना ममू, से नीन पाड़ा दरा एःरा का नीन पाड़ा ओंग्दय का मला।" हुण्डरा जोक्क गहड़ी ख़ोख़ा सपड़ारा दरा पाड़ा हेल्लरा। हुण्डरा गही डण्डीन मेनर की बन्या अल्ला गही झुण्ड भोंगते बरचा अरा हुण्डरन धरचा चिच्चा। बन्या अल्लन एःरार की हुण्डरा अकबकरआ केरा दरा बोंग्गना घी उरजिस नना हेल्लरा। हुदिन एःरार एःड़ा ख़द्द असते की बोंगा दरा एड़पा किर्रया केरा। हुण्डरा गा बन्या अल्ला गने धर्रा केरा मुंदा एःड़ा ख़द्द गही जिया बच्छरा केरा।

 

 

रियारका खीःरी गही मूःली पाँति

लूर अकिल उर्मिन्ती कोहा खुर्जी तली, एकदा गही बेवहार ननर उर्मी किसिम गही मसकिल ती नेब्बा मना ओंगदत।