बक्-ख़ोर

 

सौंसे बेल्ख़ा नूँ मुन्ता कुँड़ुख़ जल्ली अड्डा!

 
   

 

नीन ईसन् रअदय : मूद्ध पन्ना > कुँडूख़ कत्थूड़ा > देवनागरी > खीरी(कहानी)

निगनिगरका

खीरी

अँधरी पच्चो अरा कुबड़ा नतियस
करम खीरी (1)
बिति-डण्डा
मतवारस गही दसा
करम खीरी (2)
धरमुस बिट्ठी केरस
उला ता आलो गही मुल्ली
पचबा-आःलर
जुटुरना नूँ सवंग रई
भड़ा गही अड्डो
 
अउर बग्गे खीरी....

एन्नेम लेखा कड़ी
हिन्दी कत्थूड़ा
अँग्रजी कत्थूड़ा
ख़द्द कत्थूड़ा

 

 

 

 

 

 

 

 

 

 

 

 

 

       टूड़ा | पइत टूड़का | खीरी | डण्डी | नन्ना गुट्ठी | तोलोङ सिकि नू टूड़का कत्थूड़ा

 

करम खीःरी

रामकिशुन उराँव, सनसुरी, नेपाल

मेना अयोबबा दई ददा बगारो। एन करम खीःरी तेंगा काला लगदन। होरमर ध्यान से मेना। इन्ना नाम बरिस-दिन नू करम मनाबआ लगदत। खेड़ओरख़न बिसरकात की पान मलता पान ही डन्टी अर्गआ लगदत। आन खीःरी मान खीःरी तेला ख़ोप्पा मेन ईरी। ओन्टा पचगिस रहचस। आस करम ही खीःरी तेंगा लगियस। एन आ पचगी नुम हीकदन, और मानिम खीःरी तेंगा काला लगदन। (छिटोगे आईमाई सोय)

      ओन्द समे ही कत्था हीके। ओन्टा अड़पा ता आःलर ऊँदुल टोड़ंग ही डहरे एका लगियर। अबड़र गे पकाम कीड़ा अम्म ओनका लग्गिया केरा। औंगे एःका पोल्ला हेलरार। तब सन्नी तंगड़िसीन अम्म ओन्दोरआ गे तैइयर। आस काते-काते ओन्टा पद्दा ही अगल-बगल अंड़सका लेखआ लग्गिया। एन्देर गे का आस ख़ेलडिग्री ही आवाजन मेंज्जस। आस धतर-पतर असन केरस। पद्दा ता आःलर करम गड्डर की बोथा झरा ओनर नला-बेचा लगियर। आसिन मड़ख़का झड़ख़का ईःरयर की मेन्जर नीन ने हिकदय बबु?  एस्तेती बरचकय? एन्देर गे एन्ने एथेरलय? आस बाचस एन खरा उल्ला ती कीड़ा अम्म ओनका रअदन, औंगे अम्म बेद्दा गे इसन बरचकन। आस गे बोथा झरा अरा बारका असमा गुट्ठी चिच्चर। आस मोक्खस की अबड़र सँगेम बेचागे भिड़ारस केरास और अम्म होआगे मोधरस केरस।

      इस मा बरदस ख़ने एन्देर मन्जा का आर कोहाँसीन एःरा गे तईयर। आस हूँ असन अंड़सियस। अंड़सियस की एःरदस ख़ने तंगड़िस पद्दा ता आःलर सँग्गे करम बेचागे मस्त रहचस। आस हूँ बोथा झरा और बारका असमा गुट्ठी मोक्खस और कूल ही कीड़ान् मेटाबाचस की, आस एन्देल गे बरचका रहचस अदिन हूँ मोधरस केरस और आर संग्गेम बेचागे भिड़ारस केरस। (छिटोगे आईमाई सोय)

      आस हूँ मोधरस ख़ने अबड़ार गे चिन्ता फिकिर लग्गिया केरा। ओन्टा नन्ते होरमा भैइरीन तैइयस, ने हूँ किर्रयर की मा बरचर। अबड़र गे एन्देर मंज्जा केरा?  ने एन्देर नंज्जा? आर कहीं मुसिबत नू तो मा पड़ारार केरार? मला अब चुपचाप उक्का ती मा मनो। एंगा एःरा काला पड़ारओ। आस अन्तिम नू अबड़ारिन बेद्दा गे कादस। कानुम-कानुम आस हूँ आ पद्दा नू अंड़सदस। असन अंड़सियस ख़ने एःरदस का होरमा भैइर करम बेचना नू झुमुरका रहचर। आस हूँ कीड़ा अम्म ओनका मन्नन रोकआ पोल्लस, बोथा झरा और बारका असमा गुट्ठीन ओन्डस मोक्खस की कीड़ा अम्म ओन्कन मोधरस। तब आस हूँ भैइर मांखा करम बिच्चयस। और अस्ता मन्डरासिन मेन्जस- नीम एन्देर गे एन्ने मन्न ही ठल्लीन गड़च्कर की चढ़ो-चढ़ो नन्जकर की सेवदर? ख़ने मन्डरस आरीन बेस्सधरी समझाचस चिच्चस। ईद सधारण मन्न ठल्ली मल्ली। ईद करम मन्न ही ठल्ली हीके। ईदिन करम बबास हिकदस। एन्ने करम बबासीन सेवच्का ती नम्है हुरमी दुःख दन्द और समस्या गुट्ठी भुंग्गी काली। और आरीन बाचस- बबु नीम कला निम्है राजी नू हूँ एन्नेम भदो पुरन्वाँ नू करम मन्न ही उल्लीन(ओन्द, दुई और तीन डाँड़ा मन्जक् मलाहोले ओन्द, तीन और पाँच डाँड़ा मन्जका) गड़के। असमा गुट्ठी बारके, बोथा-झरा कमके की करम मनके होले निम्है हुरमी दुःख-दन्द और समस्या भोंगो कालो।

      अबड़र खुसी मन्जर की तम्है राजी बरचर। अड़पा नू केरार की तम्है आःल ख़द्दन्न हुरमी कत्थन तिंगियर। समेसाल अंड़सिया ख़ने अबड़र आर ही बाचका लेखआ जारजमा नन्जर की भदो पुरन्वाँ नू करम गड्डार की करम बबास ही सेवा नन्जर और एन्नेम नन्नुम रओम बाचर की गच्छरार। अँहाय अन्नेतिम आर ही दुःख-दन्द गुट्ठी धिरे-धिरे मुँजुरनुम काला हेल्लरा। हुरमी तरा सुख और सन्ति मना हेल्लरा। (छिटोगे आईमाई सोय)

 

   टूड़ा | पइत टूड़का | खीरी | डण्डी | नन्ना गुट्ठी | तोलोङ सिकि नू टूड़का कत्थूड़ा

तंगआ कत्थन, उज्जना-पर्दनान, नेग-चारन् अरा अइनान जईपुईर गे ख़ोजा-पर्दआ।

   बखनी(विज्ञापन)

कुँड़ुख़ कत्था नूँ मुन्ता जल्ली अड्डा, एकन्नू अनइत बग्गे कुँड़ूख़ अरा नंना कत्थूड़ा(साहित्य) गुट्ठी चीतारकी रई। ई जल्ली अड्डा गही निस्ठा(लक्षय)) कुँड़ूख़ कत्था अरा उजपर्दन्(संसकृति) परदआना अरा सहजआना (प्रोत्साहन) तली।
कुँड़ुख़ कत्था नूँ एम्बा सारदय अरा नीन हूँ ई जल्ली  अड्डा नूँ तंगआ टूड़कन नन्ना कुँड़ख़र गुसन् चाँख़आ बेद्दय होले अक्कुनिम     पुथि नू नामे अर्गत'......?

आदिबासी कड़ी गुट्ठी

बेल्ख़ान्ता धरम्