बक्-ख़ोर

 

सौंसे बेल्ख़ा नूँ मुन्ता कुँड़ुख़ जल्ली अड्डा!

 
   

 

नीन ईसन् रअदय : मूद्ध पन्ना > कुँडूख़ कत्थूड़ा > देवनागरी > खीरी(कहानी)

निगनिगरका

खीरी

अँधरी पच्चो अरा कुबड़ा नतियस
करम खीरी (1)
बिति-डण्डा
मतवारस गही दसा
करम खीरी (2)
धरमुस बिट्ठी केरस
उला ता आलो गही मुल्ली
पचबा-आःलर
जुटुरना नूँ सवंग रई
भड़ा गही अड्डो
 
अउर बग्गे खीरी....

एन्नेम लेखा कड़ी
हिन्दी कत्थूड़ा
अँग्रजी कत्थूड़ा
ख़द्द कत्थूड़ा

 

 

 

 

 

 

 

 

 

 

 

 

 

 

 

 

 

 

 

 

 

 

 

 

       टूड़ा | पइत टूड़का | खीरी | डण्डी | नन्ना गुट्ठी | तोलोङ सिकि नू टूड़का कत्थूड़ा

 

उला ता आःलो गही मुल्ली

नेम्हस एक्का

ओन्टे सुन्दराही पेल्लो रहचा। अदि गही कया पतर अरा रंग हिंस्सी दरा मुँही गोलेन रहचा। कोहा-कोहा ख़न्न, एःरोय होले ईरनुम रइह कालोय। चुट्टीद् घोड़ो गही ख़ोला बेसे दिगहा-दिगहा मोख़ारो चिल्पी लेखा लवकारआ लगिया। अदि गही कत्था तीनी रासी बेसे तीनआ लगिया। कले-कले आद पर्दिया की बेंजेरना लेखा मंज्जा केरा। कुकोय गही तम्बस बार बेद्दागे कत्था चाँख़आ हेल्लरस। पंचे कोस गेच्छा ओन्टे पद्दा नू बारस ख़क्खरस। इदि ती मूँद न बेंजेरऊ कुकोय बारासिन एःरकी रहचा और न बारस दुल्हिनन ईरकस रहचस।

 

एँड़ोर गही लोटा-पानी मंजा। तले टिपचका उल्ला नू गजा-बजा संगे बेंज्जा हूँ मन्जा केरा। लोटा-पानी बीरी कुकोय कुकोस गही मोख़ारो मुँहीन ईरिया की मल पत्तारा; पहें पंचर और बग्गे आःलर मुँदभारे एन्देर हूँ बआ पोल्ला। इदि गही बिड़दो सुन्दराही पेल्लोन् एःरार कुक्कोस अजगड़ खुशमारस।

 

कुकोय गही सईस तंग सेड़ोन आनो दरा बओ, "कलय निंग जूड़िस गे  मण्डी चिअय बरय।" आद तंग मेतस गे गोहला उया कालो बीरी नस्ता अरा किर्रोस बरओस होले ओना गे मण्डी चिआ लगिया। ओना-मोख़ा गे चिओ बीरी आद तंग आःलस गुसन कालो दरा छछेम मड़ाबओ चिओ। आस ती मल कछनखरआ लगिया। एन्नेम ढेर उल्ला खेपचा केरा। ओंद उल्ला तंग मेतस घोखआ हेल्लरस, का एन्देर गे एंग आःली एंगती मल कछनखरई।

आस ठनचस का इन्ना इदि गही बई कुल्लका मण्डी मल ओनोन। एवंदा गूटी आद मण्डी ओना गे मल बओ, अवंदा गूटी थड़िया नू ख़ेकखा मल उइयोन।

 

अउला आद मांखा बीरी मण्डी ओन्दरा की बरचा अरा छछेम आस गुसन मड़ाबाचा चिच्चा। आस थड़िया नू ख़ेकखन् मल उइयास। आद सोगसोगान कुना भइर मांख़ा असानिम इज्जकिम रैह केरा, पहें बईय्यन मल कुल्लिया। आ जिद्हा आःलस हूँ थड़िया नू ख़ेक्खा मल उइय्यास।

 

जोलपोलहेम मना हेल्लरा, ख़ने मेतस घोक्चस, "ईद एंग्है खतरी एवंदा सस्तिन चोदा। ईद एंग गुसन रअर खुस मल्की। इदिन एंग गुसन उइना इदि गने बेनेवई मनो कालो।

 

    इदि ख़ोख़ा आस अदिन नैहर अम्बियस बरचस। सोगसोगान्द असन हूँ एकासे खुसमारना जिया संगे रआ ओंगो। आद जिया-जियानुम कोल्लम मना लगिया। एन्ने दुःखे करने अदि गही जिया पेदेख़रआ हेल्लरा। अदि मइय्या एन्देर रोःगे हूँ मल रहचा। आद बहरी ती ठमठम कोड़े लग्गा लगिया। तंग्यो-तम्बस गे अदि गही एन्ने हयकट रोःगेन एरार फिकिर मना हेल्लरा। आर अनभनियाँ देवड़र अरा बैद्धर गुसन केरर; पंहकन अदि गही रोःगेन अख़आ पोल्लर।

 

मुंजा नू ओन्टे कोहा देंवड़ास कुकोय गही मुँहटन अरा चईल-चलन एरार गुद्दा कत्थन धरचस। आस अदि गही ख़ेक्खा नू ओन्टे खोटखोट मोंखारो खंजपन मोख़ागे चिच्चस, तले मेंज्जस, "अनय मई, एकासे लग्गिया।" आद बाचा, "अजगढ़ एम्बा लग्गिया।" इदि ख़ोख़ा आस ओन्टा चेमचेम सोभना ख़ंजपन अदि गे मोख़ागे चिच्चस, तले आनियस, "अनय मई, एकासे लग्गिया।" आद बाचा, "अजगड़ तितकुस लग्गिया, तुप्पोन बेसे लग्गा लगी।"

अन्तले देंवड़स कुकोयन तंग हेद्दे मिख़ियस दरा अदि गही खेक्खन धरचस की ख़ेक्खा ता लकीरन् एःरा हेल्लरस। इदी ख़ोख़ा अदिन तिगाबआ हेल्लरस, "मल सोभना ख़ंजपा निंगा गे अजगड़ एम्बा लगिया, पहें एःरा गे चेमचेम सोभना खंजपा तित्कुस लग्गिया, अन्नेम निंग्है उज्जना नू हूँ रई। बहरी ता एथेरना बग्गे मुल्ली मल उइय्यी। एकदा उला रई अदिन अख़ना चाड़ रई। कलय एन्नेम नन्के, होले कोड़े मनोय कालोय।"

 

आ कुकोय देंवड़स गही आनकन् घोक्चा अरा तंग्है बल्कन मईन होच्चा। आद अउलम तंग आःलस गुसन केरा। अक्कु आर खुशमारना संगे रआ हेल्लरार।

   टूड़ा | पइत टूड़का | खीरी | डण्डी | नन्ना गुट्ठी | तोलोङ सिकि नू टूड़का कत्थूड़ा

तंगआ कत्थन, उज्जना-पर्दनान, नेग-चारन् अरा अइनान जईपुईर गे ख़ोजा-पर्दआ।

   बखनी(विज्ञापन)

कुँड़ुख़ कत्था नूँ मुन्ता जल्ली अड्डा, एकन्नू अनइत बग्गे कुँड़ूख़ अरा नंना कत्थूड़ा(साहित्य) गुट्ठी चीतारकी रई। ई जल्ली अड्डा गही निस्ठा(लक्षय)) कुँड़ूख़ कत्था अरा उजपर्दन्(संसकृति) परदआना अरा सहजआना (प्रोत्साहन) तली।
कुँड़ुख़ कत्था नूँ एम्बा सारदय अरा नीन हूँ ई जल्ली  अड्डा नूँ तंगआ टूड़कन नन्ना कुँड़ख़र गुसन् चाँख़आ बेद्दय होले अक्कुनिम     पुथि नू नामे अर्गत'......?

आदिबासी कड़ी गुट्ठी

बेल्ख़ान्ता धरम्