बक्-ख़ोर

 

सौंसे बेल्ख़ा नूँ मुन्ता कुँड़ुख़ जल्ली अड्डा!

 
   

 

नीन ईसन् रअदय : मूद्ध पन्ना > कुँडूख़ कत्थूड़ा > देवनागरी > खीरी(कहानी)

निगनिगरका

खीरी

अँधरी पच्चो अरा कुबड़ा नतियस
करम खीरी (1)
बिति-डण्डा
मतवारस गही दसा
करम खीरी (2)
धरमुस बिट्ठी केरस
उला ता आलो गही मुल्ली
पचबा-आःलर
जुटुरना नूँ सवंग रई
भड़ा गही अड्डो
 
अउर बग्गे खीरी....

एन्नेम लेखा कड़ी
हिन्दी कत्थूड़ा
अँग्रजी कत्थूड़ा
ख़द्द कत्थूड़ा

 

 

 

 

 

 

 

 

 

 

 

 

 

 

 

 

 

 

 

 

 

       टूड़ा | पइत टूड़का | खीरी | डण्डी | नन्ना गुट्ठी | तोलोङ सिकि नू टूड़का कत्थूड़ा

 

जुटुरना नू सवंग रई

सोमरा उराँव, भोपाल

चेंड़ा परिया बीरी सन्नी लूरकुड़िया नूँ ई खीरिन बंच्चका रहचकन। ई खीरी गा सन्निम रई पहें इदी गही एम्बा अरा सीख इन्ना गूटी अन्नेम रई। इंव चड्डे इन्ना गूटी खद्दारिन ई खीरी गही पइत नूँ तेंग्गनर-कुद्दनर। एन हूँ ई खीरिन निमन् तेग्गर की याईद नन्तआ लगदन।

जुएलस ओन्टे सोझ उयु-ख़ोतुस रहचस। आस गुसन पंचे झन ख़द्दर रहचर। पद्दा नूँ लूरकुड़िया रहचा, अँवगे जुएलस गही ख़द्दर टूड़आ-बचआ पोल्लर। जुएलस गुसन ख़ल्ल-उखड़ी हूँ जुक्किम रहचा।

      जुएलस गा अकय सोझ रहचस, पहें आस गही ख़द्दर अनआ-रितआ आःलार गने संग्गे-नुंगे मना लगियर। इबड़न ए-रर जुएलस अजगड़ दुःखे सारआ लगियस। इबड़ा घोखना नूँ आस रोगहा मंज्जस केरस। रोःगे बीरी ओंटे ख़द्दस तम्बस गुसन रआ लगियस, होले नंना ख़द्दर मल रआ लगियर। एन्देर गे का आर मजही पटरी मल मोंख़ा लगिया। जुएलस तंग्है ख़द्दारिन ओंटे लूर सिखाबआ बेद्दा लगियस। मुंजा नूँ आस ओंटे तीप ओड़गस।

     उन्दुल जुएलस तंग्है ख़द्दारिन मिख़यस अरा बाचस - "नेला पुतबीरी नीन एंग्है गुसन पंचे ख़रओ बीरी बरके। ख़ेक्खा नूँ मूँद खेक्खा गही टेम्पा हूँ उन्दुरनुम बरके। एन्नेम आस नंना-नंना बेड़ा उर्मा ख़द्दारिन आनियस। उर्मा ख़द्दर घोकचर का तम्बस आसिन इकला मिख़कस बेअदस। ओर्मर पुतबीरी पंचे ख़रख़ो बीरी मूँद-मूँद ख़ेक्खा गही टेम्पा ओन्देर-ओन्दोर तम्बस गुसन बरचर।

     जुएलस बाचस - "ओर्मर तंगआ-तंगआ टेम्पन एंग्है डिसना गुसन उय्या चिआ। ओर्मर अन्नेम नंज्जर। आस तंग्है कोहा ख़द्दासिन आनियस - "ओंदा इ एःपन अरा उर्मी टेम्पन इत्तु ओनगुसन हेआ। तंग्दस तम्बस गही पेसका लेखा उर्मी टेम्पन ओंटे नुम हेचस चिच्चस। जुएलस मुन्ता ख़द्दासिन आनियस - "थिथाबअर एःरा, एःपद ढिलंग तो मल्ला?" आस अनइत हिलाबआ-हिलाबआ ईरियस अरा बाचस - "चुड़चुड़ पोकता हेचका रई।"

      इदी ख़ोख़ा जुएलस तंग्है कोहा ख़द्दासिन बाचस - "ख़द्दय! निंग्है उर्मी सवंग लगाबअर की इ टेम्पा गही झुम्पन एसआ चिआ। कोहा तंगदस अनइत जोर नंज्ज ईरियस, पहें झुम्पा टेम्पन कटिको एन्देर हूँ नना पोल्लस। तम्बस गही पेसका ती ओर्मा ख़द्दर खेप-खेप एसआ गे पया लगाबाचर, पंहकन कंक गही झुम्पद् मलम् एस्सरा। इदिन एःरर जुएलस तंग्है कोहा ख़द्दासिन बाचस - "इबड़ा टेम्पा ता एःपन् कोल्ला चिआ, कोहा ख़द्दस एःपन कुल्लियस चिच्चस।

     अक्कु नीम तंगआ-तंगआ टेम्पन चोदआ होआ। ओर्मर तंगआ-तंगआ एःपन चोदर। तम्बस ओर्मारिन तंगआ-तंगआ टेम्पन एसआ गे आनियस; अरा तंग्है मुँदभारे उय्या गे बाचस। ख़ने गा तुरतेम आर तंगआ-तंगआ टेम्पन सहजेम एस्सर दरा तम्बस गही मुँदभारे डिसना नूँ उय्यर चिच्चर। तम्बस ओर्मर गे बक्सिस चिअनुम बाचस - दुलारो ख़द्दारो! ओन्दा बक्सिस होआ। अक्कु एंग्है कत्थन थिथाबअनर मेना। नीम ओर्मर एवंदा सहजेम ओंटे-ओंटे टेम्पन एस्सकर चिच्चकर। पहें पंचे टेम्पद् ओन् गुसन खोंड़अर हेचका रहचा, ख़ने नीम एसआ पोलकर?

     सन्नी ख़द्दस बाचस - "ईद गा सोरठा कत्था तली। खोंड़ोरका रअना ती टेम्पा ता सवंग बग्गे मंजा केरा, पहेंस एम्हैं सवंग गा अवंदम रहचा। एका बीरी टेम्पद् ओंटे-ओंटे छिनगारा, ख़ने एम्है सवंग गा अवंदम रहचा, पहें टेम्पा गही सवंग जुक्की मंज्जा केरा।

     तम्बस आसिन तिगाबाचस - "नीन ठउकम तिंग्गकय। सत्ते कत्था गा, ईद तली खोंड़ोरका नूँ सवंग रई। एन्देर कत्था टेम्पा नूँ चलरई रहचा, आदिम निम नूँ हूँ चलरओ। अगर नीम हूँ खोंड़ोरओर दरा ओंटे रओर होले निम्है नोकसान हूँ पोल्लोर नंना। पंहे अगर नीम ओंटे-ओंटे रओर होले नेकइम हूँ टेम्पा बेसेम सहजेम एसओर-मुर्चोर चिओर अरा निम्है नोकसान मनो कालो।

      अँवगे पचबा-आःलार गुसन काना ती मूँद, एन चहदन का नीम ओर्मर जुटुरआ की लोला-चोन्हा अरा पटरी मोंख़तअर एःका-उज्जा। तंगआनुम अम्बा अरबा-नखरआ। ओन-एंड़तर गही कत्थन मरयाद नना।

     ओर्मा ख़द्दर जुटुरअर तम्बासिन बाचर - "अक्कु एम इकला हूँ मल अरबा-नखरओम, निंग्हैं तिगाबाचका बेसेम जुटुरओम दरा पटरी संगे एकोम-उज्जोम। इदिन मेनर तम्बस गही जिया नूँ अनइत जोलजोरना अरा खुशामारना मंजा केरा। आस ओर्मर गही कुक्क नूँ तंग्है ख़ेक्खन उय्यर बरकत चिच्चस अरा निचोत संगे सांस होच्चस। 

   टूड़ा | पइत टूड़का | खीरी | डण्डी | नन्ना गुट्ठी | तोलोङ सिकि नू टूड़का कत्थूड़ा

तंगआ कत्थन, उज्जना-पर्दनान, नेग-चारन् अरा अइनान जईपुईर गे ख़ोजा-पर्दआ।

   बखनी(विज्ञापन)

कुँड़ुख़ कत्था नूँ मुन्ता जल्ली अड्डा, एकन्नू अनइत बग्गे कुँड़ूख़ अरा नंना कत्थूड़ा(साहित्य) गुट्ठी चीतारकी रई। ई जल्ली अड्डा गही निस्ठा(लक्षय)) कुँड़ूख़ कत्था अरा उजपर्दन्(संसकृति) परदआना अरा सहजआना (प्रोत्साहन) तली।
कुँड़ुख़ कत्था नूँ एम्बा सारदय अरा नीन हूँ ई जल्ली  अड्डा नूँ तंगआ टूड़कन नन्ना कुँड़ख़र गुसन् चाँख़आ बेद्दय होले अक्कुनिम     पुथि नू नामे अर्गत'......?

आदिबासी कड़ी गुट्ठी

बेल्ख़ान्ता धरम्